zmicier - Network

Пагуляў у карэйскую гульню ютноры. Падобная на лудо і іншыя гульні такога...

Пагуляў у карэйскую гульню ютноры. Падобная на лудо і іншыя гульні такога кшталту, але замест костак кідаюцца паўкруглыя палачкі. Па сутнасці палачкі — d2, эквівалент манетак, але проста за рахунак таго, што гэта палачкі, іх прыемна ў руках трымаць.

Я час ад часу купляю матэрыялы па ролевых гульнях, у якія наўрад пагуляю...

Я час ад часу купляю матэрыялы па ролевых гульнях, у якія наўрад пагуляю (проста таму, што гуляю IRL я звычайна ў адны і тыя ж кампаніі па адным і тым жа гульням, а новыя няма часу пачынаць), і проста іх чытаю.

Нядаўна раздумваў пра бандл з матэрыяламі па гульні, пра якую быў не ўпэўнены, што мне яна цікавая.

Вырашыў пагдядзець першы-лепшы агляд на Ютубе, а там нейкі мужчына скаржыцца, што гульня «занадта палітычная» і што ў ёй «мізандрыя». Вырашыў «Значыць, добрая гульня. Трэба браць».

Ці ўсё ж яны не родзічы, проста падобныя? Па ідэе кашмар — родзіч кікімары...

Ці ўсё ж яны не родзічы, проста падобныя? Па ідэе кашмар — родзіч кікімары (якая праз -о- была), а мара праз -а- магчыма незалежнае ўтварэнне.

Энівэй, мара з зыходным -а- таксама пазначала дэманаў, пакуль не стала мрояй, гэта дакладна.

Ёсць нешта паэтычнае ў тым, што наша слова «мара» — далёкі родзіч...

Ёсць нешта паэтычнае ў тым, што наша слова «мара» — далёкі родзіч «кашмара».

Першапачаткова «мара» — гэта дэман, які па начах насылае кашмары. Але і з дэманам можна пасябраваць, і ён выявіцца добрай марай.

напоіНіяк не звыкну да таго, што калі я прашу чай, мяне пытаюць «чай з чаго?»У...

напоі

Ніяк не звыкну да таго, што калі я прашу чай, мяне пытаюць «чай з чаго?»

У маёй галаве чай — ён з чаю... Але ў Партугаліі звычайна не.

каментарый да іншага паведамлення (без спасылкі на яго), пра рэлігіюНа...

каментарый да іншага паведамлення (без спасылкі на яго), пра рэлігію

На Ютуб-канале Religion for Breakfast ёсць цікавы аналіз амерыканскага патрыятызма як рэлігіі: https://www.youtube.com/watch?list=PLHsXddZFR9ANJNOtufGyy2skH18ngAKze Можна выдзеляць рэлігійныя будынкі, іконы і рытуалы. Ён кажа пра ЗША, бо сам аўтар амерыканец, але гэта і да іншага актуальна.

Рэлігіязнаўства карыснае для апісання розных рэчаў.

Калі чыесьці погляды здаюцца вам рэлігіяй, паглядзіце на свае: у іх таксама шмат ад рэлігіі. (І гэта нармальна.)

каментарый да чужога паста (без спасылкі на сам пост), іміграцыяБежанства —...

каментарый да чужога паста (без спасылкі на сам пост), іміграцыя

Бежанства — гэта заўсёды легальная эміграцыя. Нават калі для яго патрэбна пералезці праз дрот на мяжы.

Законы пра тое, што нельга пералазіць праз дрот на мяжы, меней важныя, ніж міжнародныя законы пра бежанства і правы чалавека.

Нелегальна паступаюць тыя, хто замінае бежанцам. Бежанцы ж пападаюць у краіны легальна.

Вырашыў сёння вечарам/заўтра адсвяткаваць Вадохрышча, раз ужо Раство...

Вырашыў сёння вечарам/заўтра адсвяткаваць Вадохрышча, раз ужо Раство адсвяткаваў з партугальцамі 25-га. Так што вару куццю.

З Новым годам!

З Новым годам!

З Калядамі ўсіх, хто святкуе сёння!

З Калядамі ўсіх, хто святкуе сёння!

Палякі выдалі гульню «Volley Boys!!»¹ у дзвюх версіях: «Siatkarki!!»...

Палякі выдалі гульню «Volley Boys!!»¹ у дзвюх версіях: «Siatkarki!!» 'Валейбалісткі'¹ і «Siatkarze!!» 'Валейбалісты'²

Цікавы падыход.

Увогуле, польскі пераклад выглядае куды прафесійней, ніж англійскі арыгінал

¹ https://nguyenconditions.itch.io/volley-boys
² https://blackmonk.pl/niezalezne-gry-fabularne/1981-siatkarki.html
³ https://blackmonk.pl/niezalezne-gry-fabularne/1980-siatkarze.html

паперы (-)Нядаўна хадзіў у AIM'у запытацца, чаму мне амаль год не прыходзіць...

паперы (-)

Нядаўна хадзіў у AIM'у запытацца, чаму мне амаль год не прыходзіць новае пасведчанне на пражыванне.

Прышоў у 6, за 3 гадзіны да адкрыцця, і ўжо не паспеў (але даведаўся, што не паспеў, толькі пачакаўшы ў чарзе).

Прыду наступны раз пад дзвярамі начаваць, што рабіць. Як калісьці ў Беларусі ля банкаў начаваў, я маю досвед.

Ненавіджу ўсю гэту сістэму з візамі, пасведчаннямі на пражыванне і г.д.

Людзі будучага будуць глядзець на візы і внж так, як мы зараз глядзім на прыгоннае права.

Каталонскія эсперантысты зрабілі (як заяўляецца) першую настольную ролевую...

Каталонскія эсперантысты зрабілі (як заяўляецца) першую настольную ролевую гульню на эсперанта. Але праілюстравалі яе нейрасеткай, і мне непрыемна гэта чытаць. Адкрываю, бачу гэтыя нейрасеткавыя ілюстрацыі і закрываю.

Здаў экзамен па партугальскай (B1). Не ведаю, наколькі дрэнна, рэзультат будзе...

Здаў экзамен па партугальскай (B1). Не ведаю, наколькі дрэнна, рэзультат будзе толькі ў студзені.

Усе, з кім я там размаўляў, прыйшлі на B1, бо на A2 месцаў не знайшлося. (A2 патрэбны на грамадзянства. Навошта патрэбны B1 сам па сабе, не ведаю.)

Сёння перайшлі на зімовы час. 3 гадзіны розніцы з Мінскам, а не 2. Нязручна.

Сёння перайшлі на зімовы час. 3 гадзіны розніцы з Мінскам, а не 2. Нязручна.

Нядаўна даведаўся, што англійскае слова bead 'пацерка' першапачаткова...

Нядаўна даведаўся, што англійскае слова bead 'пацерка' першапачаткова значыла 'малітва'. У беларускага «пацерка» падобная этымалогія: яно ад pater noster 'отча наш' (нібы праз чэшскую і польскую) са зменай сэнса 'малітва' → 'пацерка ў ружанцы' → 'любая пацерка'.

Мой сябра пераехаў у Брагу, так што цяпер у мяне ёсць прычына часцей ездзіць...

Мой сябра пераехаў у Брагу, так што цяпер у мяне ёсць прычына часцей ездзіць у Брагу (гэта гадзіна на цягніку ад Порту)

дызайн прыкладанняў, варожы да карыстальнікаўЗлуе, калі праграмы...

дызайн прыкладанняў, варожы да карыстальнікаў

Злуе, калі праграмы разрабляюць так, каб схаваць інфармацыю.

Так, у маёй банкаўскай праграме каб убачыць баланс, трэба дадаткова пстрыкнуць па тэкст «Паказаць баланс». Тады кнопка замяняецца на лічбу.

У рэзультаце людзі не ведаюць, колькі грошай засталося на картачцы, і робяць імпульсіўныя пакупкі.

А каб убачыць колькасць гігабайт на маім тарыфным плане на тэлефоне, патрэбна пачакаць анімацыю 20 секунд.

Каб людзі не глядзелі — і трацілі болей.

пра сяброўстваТут на серверы пісалі сумныя рэчы пра сяброўства, што з цягам...

пра сяброўства

Тут на серверы пісалі сумныя рэчы пра сяброўства, што з цягам часу сяброў меней.

Мой вопыт іншы. У школе ў мяне не было сяброў. Ва ўніверы з'явілася некалькі. А зараз, пасля пераезду, шмат. Я пасля пераезду шукаў сяброў — і знайшоў.

І я згодны з тым, што шукаць сяброў цяжка. Работа пакідае мала часу, у новай краіне цяжка без ведання мовы, а ў Беларусі цяжка адкрывацца малазнаёмым людзям. Гэта ўсё праўда... Але гэтыя цяжкасці можна пераадолець.

Мы тым часам не ведаем, калі наступны раз збяромся гуляць у Dragonbane, бо ва ўсіх...

Мы тым часам не ведаем, калі наступны раз збяромся гуляць у Dragonbane, бо ва ўсіх розная даступнасць...

Нібы можа атрымацца ў рабочы дзень, але мне неяк не хочацца гуляць у рабочы дзень.